Qazaqstandyq baspasóz klýby - Azıadanyń halyqaralyq baspasóz ortalyqtarynyń jumysyn uıymdastyrýshy operator atanyp otyr
ALMATY. 29 qańtar. QazAqparat /Sara Mustafına/ - Astana men Almatyda 7-Qysqy Azııa oıyndarynyń halyqaralyq baspasóz ortalyqtary óz jumystaryn bastady. Qazaqstandyq baspasóz klýby osy halyqaralyq baspasóz ortalyqtarynyń jumysyn uıymdastyrýshy operator atanyp otyr.
Qazaqstandyq baspasóz klýby 28 qańtar men 6 aqpan aralyǵynda jumys isteıtin 12 baspasóz ortalyǵynyń jumysyn úılestiredi.
Kún saıyn baspasóz ortalyqtarynda jetekshi sportshylar men olardyń jattyqtyrýshylarynyń, Halyqaralyq olımpıadalyq komıtet men Azııa olımpıadalyq komıteti ókilderiniń qatysýymen baspasóz máslıhattary jáne brıfıngter ótkiziledi. Baspasóz klýby sondaı-aq Azıadanyń barlyq jarystaryna qatysty aqparattardyń negizgi kózi retinde barlyq jýrnalıster úshin arnaıy qurylyp otyrǵan INFO-2011 aqparattyq júıesiniń jumysyna jaýap beredi.
«Qazaqstannyń bedeli úshin mańyzy zor osyndaı iri jobanyń seriktesi ataný biz úshin úlken qurmet. Bizdiń 16 jyldyq jumys tájirıbemiz, onyń ishinde halyqaralyq baspasóz ortalyqtarynyń jumystaryn uıymdastyrý jáne basqarý jónindegi tájirıbemiz barlyq komandalarǵa óz mindetterin laıyqty oryndaýǵa múmkindik beredi dep úmittenemiz» - deıdi Qazaqstandyq baspasóz klýbynyń prezıdenti Ásel Qaraǵulova.
