Qazaqstandyq basketbolshylar jasóspirimder arasynda ótken Azııa birinshiliginde segizinshi oryndy ıelendi
ALMATY. QazAqparat- Qazaqstandyq basketbolshylar Katarda jasóspirimder arasynda ótken Azııa birinshiliginde segizinshi oryndy ıelendi. Otandastarymyz jetinshi oryn úshin bolǵan matchyn Malaızııa qurama komandasymen ótkizdi, - habarlaıdy sports.kz saıty.
Alaǵashqy eki kezeńde jeńiske jetken qazaqstandyqtar, «jeńis qolda» - dep oılady ma, úshinshi kezeńde bosańdyq tanytyp, qarsylastarǵa ese jiberip aldy. Al tórtinshi kezeńde oısyraı jeńildi. Qorytyndy esep 74:86 (24:20, 20:14, 15:22, 15.30).
Nátıjesinde Qazaqstannyń jasóspirimder qurama komandasy segizinshi orynǵa turaqtady.
