Qazaqstandyq basketbolshylar Azııa chempıonatynda eki ret oısyraı jeńildi
ASTANA. QazAqparat - Basketboldan Qazaqstan quramasy Lıvannyń Beırýt qalasynda ótip jatqan Azııa chempıonatynda eki ret iri jeńilis tapty, dep habarlaıdy QazAqparat Sports.kz saıtyna silteme jasap.
«S» tobyndaǵy aldyn ala kezeńniń birinshi matchynda Jańa Zelandııaǵa 49:70 (11:15, 11:14, 15:25, 12:16) esebimen jeńildi, keıin Ońtústik Koreıadan 55:116 (15:18, 11:32, 11:32, 18:34) esebimen oısyraı utyldy.
Qorytyndy matchta qazaqstandyq basketbolshylar alań ıeleri - Lıvan komandasymen kezdesedi. Oıyn 12 tamyz kúni ótedi.
8 tamyz kúni Beırýtte bastalǵan basketboldan Azııa chempıonaty 20 tamyzda máresine jetedi.
Eske salaıyq, 8 tamyz kúni QR quramasynyń oıynshylary Aleksandr Jıgýlın men Vasılıı Savchenko Instagramǵa vıdeo júktep, onda komandanyń halyqaralyq báıgege biryńǵaı formasyz kelgenderin aıtyp, nazdaryn bildirgen bolatyn .
Qazaqstandyq basketbolshylardyń Azııa chempıonattarynda kórsetken eń úzdik nátıjesi 2007 jyly boldy. Onda sportshylarymyz tórtinshi oryn alǵan edi.
