Qazaqstandyq basketbolshylar Azııa chempıonatyn jeńispen bastady
ASTANA. 2 tamyz. QazAqparat - Qazaqstannyń basketboldan erler quramasy Fılıppınde bastalǵan Azııa chempıonatynyń birinshi matchynda Taılandty utty,
dep habarlaıdy Vesti.kz tilshisi.
Oıyn bastalysymen-aq, qazaqstandyq basketbolshylardyń qarsylastarynan basymdylyǵy baıqaldy. Sarapshylar jarys bastalǵanǵa deıin Matteo Bonıchıollı komandasy bul kezdesýde jaqsy oıyn kórsetedi degen senimde bolǵan edi.
Kezdesýdiń alǵashqy jartysy 42:33 esebimen qazaqstandyqtardyń paıdasyna sheshildi. Jarystyń úshinshi jáne tórtinshi bóliginde Taıland quramasy esepti teńestirýge tyrysqanymen nátıje shyǵara almady. Bonıchıollı quramasy tize búkti (81:67).
Qazaqstandyq sportshylar toptyq kezeńde kelesi kezdesýdi Bahreınmen ótkizedi.
