Qazaqstandyq basketbolshylar álem chempıonatynyń joldamasyna talasady
ASTANA. QazAqparat - 29 maýsym men 2 shilde aralyǵynda basketboldan Qazaqstan ulttyq quramasy 2019 jylǵy álem chempıonatyna Azııa aımaǵyndaǵy irikteý kezeńi aıasynda syrt alańda eki match ótkizedi, dep habarlaıdy QazAqparat tilshisi.
QR UOK-niń baspasóz qyzmeti taratqan málimetterge súıensek, otandastarymyz 29 maýsym kúni Irak quramasyna qarsy kezdesý ótkizbek. Búginde Irak týrnırdiń eń sońǵy satysynda kele jatyr. Kezdesý Astana ýaqytymen saǵat 23:00-de ótedi.
2 shilde kúni qazaqstandyq basketbolshylar Iran quramasynan qarymta qaıtarýǵa tyrysady. Irandyqtar Astanada ótken básekede 75:54 esebimen Qazaqstan quramasyn jeńip ketken bolatyn.
Tegeranda ótetin kezdesýler Qazaqstan men Iranǵa ekinshi raýndtaǵy upaılaryn eseleýge múmkindik bermek.
