Qazaqstandyq basketbolshylar 16 jasqa deıingi jasóspirimder arasynda Malaızııada ótetin Azııa chempıonatyna qatysady
ALMATY. Qarashanyń 18-i. QazAqparat /Erlik Erjanuly/ - Qarashanyń 19-27-si kúnderi Malaızııanyń Djohor-Bahrý qalasynda basketboldan 16 jasqa deıingi jasóspirimder arasynda Azııa chempıonaty ótedi,
dep habarlaıdy QazAqparat.
Borıs Borısov el quramasyna shaqyrǵan 11 oıynshynyń 9-y Aqtaý qalasynyń «Kaspıı-2», al ekeýi Almaty men Qostanaıdyń «TsSKA», «Tobyl» komandalarynan. Olar - Álimbek Orazov, Álimjan Maqsutov, Almas Qalıýllın, Evgenıı Potapov, Roman Morozov, Alekseı Kýrochka, Vıacheslav Ragýev, Vadım Şerbak, Artýr Remhen jáne Maksım Marchýk pen Aleksandr Jıgýlın. Azııanyń úzdik 12 komandasy qatysatyn bul jarysta qazaqstandyq jasóspirimder Bahreın, Japonııa jáne Fılıppın elinen kelgen qurdastarymen V tobynda óner kórsetedi. Olar alǵashqy oıynyn Bahreın quramasymen ótkizedi.
