Qazaqstandyq basketbolshy VTB Biryńǵaı lıgasy Juldyzdar matchynyń quramyna endi
ASTANA. QazAqparat -17 aqpanda Máskeýde VTB Biryńǵaı lıgasynyń Barlyq juldyzdary matchy ótedi. Matchqa qatysatyn komanda quramy BAQ saýalnamasy (19 basylym) men jankúıerlerdiń daýys berýiniń nátıjesinde anyqtaldy, dep habarlaıdy «SPORTINFORM» SAA lıganyń resmı saıtyna silteme jasap.
Sondaı-aq lıganyń ár qurama úshin 2 wild card-y bar. 12 oıynshydan turatyn komandanyń naqty quramy taıaýda belgili bolady.
«Reseı juldyzdary»: Vıtalıı Frıdzon, Dmıtrıı Kýlagın (ekeýi de «Lokomotıv-Kýban»), Ivan Strebkov («Nıjnıı Novgorod»), Evgenıı Voronov («Zenıt»), Alekseı Shved («Hımkı»), Sergeı Karasev («Zenıt»), Djoel Bolomboı, Andreı Vorontsevıch (ekeýi de TsSKA), Artem Klımenko (ÝNIKS), Artem Zabelın («Avtodor»).
«Álem Juldyzdary»: Serhıo Rodrıges, Nando De Kolo (ekeýi de TsSKA), Djamar Smıt (ÝNIKS), Kendrık Perrı («Nıjnıı Novgorod»), Entonı Klemmons («Astana»), Perrın Bıýford («Avtodor»), Djalen Reınolds («Zenıt»), Morıs Ndýr (ÝNIKS), Djordan Mıkı, Entonı Gıll (ekeýi de «Hımkı»).
Eske salaıyq, «Astananyń» amerıkalyq basketbolshysy Entonı Klemmons byltyr jeltoqsanda Qazaqstan azamattyǵyn alǵan bolatyn. Qazirgi tańda Klemmons VTB Biryńǵaı lıgasyndaǵy myqty oıynshylardyń biri - 13 oıynda 222 upaı jınaǵan.
