Qazaqstandyq «Barys» komandasy Qurlyqtyq hokkeı lıgasynda jańa maýsymyn bastaıdy
Komanda birinshi oıynynda búgin, 2 qyrkúıekte elordada Reseıdiń «Salavat ıÝlaev» (Ýfa) komandasymen sheberlik baıqasady.
Kezdesý elorda ýaqytymen 17.00-de «Qazsport» telearnasynan tikeleı efırde kórsetiledi.
Eki komanda buǵan deıin 58 márte kezdesti. Onyń 20-y elordalyq klýbtyń basymdyǵymen aıaqtalsa, qalǵanynda reseılik komanda jeńiske jetti.
Odan keıin 4 qyrkúıekte reseılik taǵy bir komanda «Sıbır» komandasyn qabyldaıdy.
Al 7 qyrkúıekte Novosibirde «Sıbırmen» taǵy bir márte kezdesse, 9, 11 qyrkúıekte syrt alańda reseılik «Avangard» (Omby), «Dınamo» (Máskeý) klýbtarymen sheberlik baıqasady.
«Barys» Qurlyqtyq hokkeı lıgasy turaqty kezeńindegi sońǵy oıynyn 2024 jyldyń 26 aqpanynda elordada «Sıbırmen» ótkizedi.
«Barys» Qurlyqtyq hokkeı lıgasyna daıyndyq barysynda eki týrnırge qatysty.
Aldymen Tatarstan astanasy Qazanda 10-14 tamyz kúnderi bolǵan TANECO Kýbogynda tórtinshi oryndy mise tutty.
Al «Barys» Reseıdiń Omby qalasynda ótken Blınov týrnırinde jeńimpaz atandy.