Qazaqstandyq «Bárine erkekter kináli» komedııasynyń saýndtregi jarııalandy
ASTANA. QazAqparat - 2 naýryzda prokatqa shyǵatyn «Bárine erkekter kináli» otandyq komedııasynyń saýndtregin astanalyq «Format» toby oryndady, dep habarlady «QazAqparat» HAA tilshisi.
«Án mahabbat, sulýlyq, bizdiń arýlar jaıynda, ánniń jazylǵanyna kóp boldy, óziniń sátin kútken bolý kerek», - dedi avtor Q. Baekenov.
Jobanyń prodıýseri Aleksandr Sýslov rotatsııaǵa shyqqannan keıin án elordalyq toptyń kezekti hıtine aınalatynyna senimdi.
Astanada túsirilgen fılmniń saýndtregin Astanada 10 jyl buryn qurylǵan elordalyq «Format» toby shyrqaıdy. Búgin onyń qatysýshylary Andreı Prıl (soqqysh aspap), Erbol Tasmambetov (bas gıtara), Vıtalıı ıÝrchýk (bas gıtarashy), Olga Djýldıeva (perneli), Ivan Tkachenko (baǵdarlamalaý jáne gıtara), Gúlsim Myrzabekova (vokal) jáne Qaırat Baekenov (kompozıtor, ánshi, top jetekshisi). Toptyń saz qorjynynda 100-den astam avtorlyq ánder bar.
Eske salsaq, «Bárine erkekter kináli» kórkem fılmi erler joq áıelder álemine kirip ketken úsh jigit jaıynda. Fılmge belgili akterler túsken: Táýekel Músilim, Murat Bısenbın, Jánııa Djýrınskaıa, Saıa Orazǵalıeva, Danııar Alshınov, Natalıa Naýmova, Ásel Ákbarova jáne t.b.
