Qazaqstandyq bapker Tashkenttegi Grand Slam týrnırinde tórelik etti

Atyraý oblysynyń týmasy Jandos Qııanov Tashkentte dzıýdodan ótip jatqan Grand Slam týrnırine tórelik etýge shaqyrylǵan. Ol búgin atalǵan sporttyq doda tórelik etti.
Jandos Qııanov 2000 jyldan beri Atyraýdaǵy № 1 balalar men jasóspirimder sport mektebinde jattyqtyrýshy bolyp jumys isteıdi. Onyń Qýanysh Saımanuly, Nazgúl Qubasheva jáne Ótegen Qaırat sekildi shákirtteri dzıýdodan el chempıonatynda júldeli oryndardy ıelengen.
Bilikti bapker 2014 jyly Atyraýda paradzıýdoshylar úshin biregeı daıyndyq ortalyǵyn ashqan. Al, 2019 jyly paradzıýdodan Qazaqstan quramasynyń bas jattyqtyrýshysy bolyp taǵaıyndalǵan. Sol jyldyń qorytyndysymen Qazaqstandaǵy paralımpıadalyq komandalardyń úzdik jattyqtyrýshysy retinde tanylǵan.
Onyń daıyndaǵan shákirti Ánýar Sarıev paradzıýdodan Tokıo paralımpıadasynyń kúmis júldegeri atanǵan.
Eske sala ketelik, budan buryn atyraýlyq paradzıýdoshy halyqaralyq týrnırde «altyn» alǵanyn jazǵan edik.
Japonııada paradzıýdodan ótken «TOKYO OPEN» halyqaralyq týrnırinde J1 sanaty boıynsha +90 keli salmaqta baq synaǵan Erlan Ótepov qarsylas shaq keltirmeı, altyn medalǵa ıe boldy. Al, Tokıo paralımpıadasynyń kúmis júldegeri 60 keli salmaqtaǵy Ánýar Sarıev J2 sanatynda qol júlde ıelendi.
Bul halyqaralyq týrnır 2024 jyly Parıjde ótetin paralımpıada oıyndary qarsańynda reıtıngilik upaıdy kóterý maqsatynda ótkizilgen.
Al, búgin dzıýdoshy Nurqanat Serikbaev Grand Slam týrnıriniń kúmis júldegeri atanǵany habarlanǵan bolatyn.