Qazaqstandyq bankterdiń syrtqy qaryzy azaıyp keledi - QR Ulttyq banki
ASTANA. 19 qyrkúıek. QazAqparat - Búginde qazaqstandyq bankterdiń syrtqy qaryzy azaıyp keledi. Bul týraly búgin Astanada ótken konferentsııada QR Ulttyq banki tóraǵasynyń orynbasary Danııar Aqyshev málim etti.
Onyń habarlaýynsha, 2007 jyldyń ortasynan bastap 2013 jylǵy birinshi toqsanyna deıin qazaqstandyq bankterdiń jalpy syrtqy qaryzy 30,2 mlrd. dollarǵa azaıdy. «Negizi, 2007 jyly qarjy daǵdarysy bastalǵan kezde, Qazaqstandaǵy bank júıesiniń syrtqy qaryzy jalpy ishki jalpy ónimniń 50 paıyzyn qurady. «Bul Reseı, Belarýs jáne Ýkraınamen salystyrǵanda, eń joǵary kórsetkish bolǵan, ıaǵnı qazaqstandyq bankterdiń syrtqy qaryzǵa degen táýeldiligi joǵary boldy. Sodan osy qaryzdardy qaıta qurylymdaýdyń arqasynda ol kórsetkish jalpy ishki ónimge shaqqanda, 6,1 paıyzǵa deıin azaıdy», - dedi D.Aqyshev.
