Qazaqstandyq bankter ózderiniń táýekelderin jabý úshin bıýdjetten qarajat almaıdy - Oleg Smolıakov
Bul týraly ekinshi deńgeıli bankter aktıvteriniń sapasyn baǵalaý nátıjelerine arnalǵan baspasóz konferentsııasynda Qazaqstan Respýblıkasy Qarjy naryǵyn damytý jáne retteý agenttigi tóraǵasynyń birinshi orynbasary Oleg Smolıakov málimdedi, dep habarlaıdy QazAqparat.
Ol qarjy retteýshisi Ulttyq bankpen birge aktıvterdiń sapasyn baǵalaý nátıjelerine súıene kele barlyq bankter úshin aktıvterdiń qunyn qaıta baǵalaýdy eskere otyryp, prýdentsıaldyq kapıtal talaptaryna sáıkes, 2020 jyly bankter úshin yqtımal táýekelderdiń tolyq qamtylýyn qamtamasyz etý maqsatynda birqatar sharalar qabyldaǵanyn atap ótti.
«Úkimet, Ulttyq bank jáne Qarjy naryǵyn retteý jáne damytý agenttigi Ulttyq banktiń 2017 jylǵy maýsymda qabyldaǵan Bank sektorynyń qarjylyq turaqtylyǵyn jaqsartý baǵdarlamasy aıasynda problemalyq nesıeler qorynyń aqyly kepildigi túrindegi aktıvterin qorǵaýdyń qosymsha quralyn anyqtady. Aktıvterdi qorǵaý quraly osy baǵdarlamaǵa qatysatyn bankterge táýekelderdi qaıta kapıtaldandyrý jáne shekteý boıynsha mindettemelerdi ózine alady, AQR nátıjelerin eskere otyryp, aktıvterdiń sapasyn jaqsartý boıynsha barlyq sharalardy júzege asyrýǵa múmkindik beredi», - deıdi Oleg Smolıakov.
