Qazaqstandyq bank qyzmetkerlerin 4 kúndik jumys aptasyna kóshirdi
ASTANA. QazAqparat - Aǵymdaǵy jyldyń 6 qazanynan «Bank RBK» AQ qyzmetkerlerin 4 kúndik jumys aptasyna kóshirdi. Aıta keter jaıt, olardyń burynǵy jalaqy kólemi saqtalady.
Bul jeke nesıe berý, kassadaǵy qyzmet jáne fılıaldardaǵy operatsııalyq qurylym qyzmetkerlerine qatysty. Aldaǵy ýaqytta Banktiń ózge qurylym qyzmetkerlerin de, sonyń ishinde bas keńse qyzmetkerlerin de osy kestege kóshirý kózdelgen.
Besinshi, shyǵarmashylyq kún atalǵan qyzmetkerlerdiń biliktiligin arttyrýǵa jáne psıhologııalyq turǵyda dem alýlary úshin engizilgen.
Bank keńseleri Astana, Almaty, Qaraǵandy, Pavlodar, Shymkent, Óskemen jáne Ekibastuz qalalarynda ornalasqan.
