Qazaqstandyq balýandar Parıjde ótken básekede 4 medalǵa ıe boldy
ASTANA. QazAqparat - Grek-rım kúresi boıynsha qazaqstandyq balýandar Parıjdegi básekede 4 medalǵa ıe boldy, dep habarlady sporttyq jekpe-jek jáne kúsh qoldanylatyn sport túrleri konfederatsııasynyń baspasóz qyzmetinen.
71 kg salmaq dárejesinde Ashat Jańbyrov aqtyq synda Shvetsııalyq Zakarıasý Taldotýdan jeńilip, kúmis medalǵa ıe boldy. Osy salmaq dárejesinde qola júlde qazaqstandyq Ibragım Magomadovqa buıyrdy. 59 kg salmaq dárejesinde Meıirbek Dónenbekov ekinshi orynǵa ıe boldy. Aqtyq synda ol jergilikti sportshy Tarıký Belmadanıden utyldy. Nurlan Áljanov qoladan alqa taqty. Bıyl gran-prıde Qazaqstannan grek-rım kúresi boıynsha qurama ǵana qatysty.
Eske sala keteıik, grek-rım kúresi boıynsha ózge qurama Kolorado Sprıngste (AQSh) ótken halyqaralyq dodada 10 medalǵa qol jetkizdi. Onyń 4 altyn, 2 kúmis jáne 4 qola medal. Altyn alqany oljalaǵandar Demeý Jadraev (66 kg), Dosjan Kartıkov (75 kg), Erulan Ysqaqov (98 kg) jáne Nurmahan Tinálıev (120 kg). Kúmis medal ıegeri atanǵandar Almat Kebispaev (66 kg), Maqsat Erejepov (75 kg). Úshinshi orynǵa ıe bolǵandar Meırambek Aınaǵulov (59 kg), Nursultan Tursynov (85 kg), Ashat Dilmuhamedov (80 kg) jáne Azamat Qystybaev (85 kg).
