Qazaqstandyq balýandar Iranda 8 júlde oljalady
ASTANA. QazAqparat - Qazaqstandyq grek-rım kúresi sheberleri Irannyń Bándár-e Mohsháhár qalasynda ótken bedeldi «Tahtı kýbogy» týrnırinde 2 altyn, 2 kúmis, 4 qola medal aldy, dep jazady «SPORTINFORM» SAA.
Aıta keteıik, 67 kılogramǵa deıingi salmaqta Almat Kebisbaev pen 72 kg sanatynda óner kórsetken Demeý Jadyraev aldyna jan salmady.
Eki jerlesimizge fınalda sáttilik jetispedi. 63 kılogramǵa deıingi salmaqta Qudaıbergen Tursynov qyrǵyzstandyq Kaly Súleımenovke ese jiberse, Hýseın Mýtsolgov 87 kg sanatynda kilem ıeleriniń namysyn qorǵaǵan Saman Ázızıden jeńildi.
Al 60 kg salmaqta Dastan Zarlyhanov pen Meırambek Aınaǵulov, sondaı-aq Ibragım Magomadov (72 kg-ǵa deıin), Azamat Qystaýbaev (87 kg-ǵa deıin) "Tahtı kýbogy-2018" týrnıriniń qola júldegerleri atandy.
«Tahtı kýbogy» - reıtıng úshin ótkiziletin týrnır. Onyń jeńimpazyna 8 upaı, kúmis júldegerine 6 upaı, al úshinshi oryn ıesine 4 upaı beriledi.
