Qazaqstandyq balýandar belbeý kúresinen álem chempıonatynda 23 júlde ıelendi
ASTANA. QazAqparat - Astanada «Beeline Arena» sport kesheninde belbeý kúresinen erler men áıelder arasynda ótken álem chempıonaty aıaqtaldy, dep habarlaıdy QazAqparat QR MSM Sport komıtetiniń baspasóz qyzmetine silteme jasap.
Baspasóz qyzmetiniń málimetterine qaraǵanda, eki kúnge sozylǵan básekege 30 eldiń 250-ge jýyq sportshysy qatysty.
Jalpy esepte Reseı quramasy top jarsa, Qazaqstan quramasy 6 altyn, 4 kúmis jáne 13 qola júldege qol jetkizip, 2-oryn aldy. Úzdik úshtikti Túrikmenstan túıindedi.
El namysyn 42 sportshy (32 ul, 10 qyz) qorǵady.
Jarystyń sońǵy kúngi nátıjesi:
Altyn - Qalmuhan Turmahanbet (57 kg), Ádilet Shalǵynbekuly (62 kg), Aqtóre Sultanbekuly (75 kg), Toqtarbek Aıdarbek (90 kg), Bekbol Nurlanuly (100 kg).
Kúmis - Danııar Kýnkýbaev (68 kg), Eskerhan Oskanov (100 kg).
Qola - Aıbek Qazaqbaev (62 kg), Rahmet Sapıev (82 kg), Nursultan Qojageldiuly (+100 kg).
