Qazaqstandyq balýandar Azııa chempıonatynda 2 altyn, 1 kúmis, 4 qola medal ıelendi
ALMATY. 22 sáýir. QazAqparat - Úndistannyń Delı qalasynda 19-21 sáýir kúnderi grek-rım, erkin jáne áıelder kúresterinen Azııa chempıonaty ótti. Onda grek-rım balýandary 1 altyn, 1 kúmis, 2 qola medalmen komandalyq esepte úshinshi oryn aldy. Áıelder kúresinen 1 altynmen 5-shi, erkin kúresten 2 qola medalmen úzdikter qataryna iline almady.
Onda el namysyn 21 balýan, árbir kúres túri boınysha 7 salmaqta qorǵaǵan bolatyn. Olardyń arasynan grek-rım kúresinen Nurmahan Tinálıev (120 kg) altyn, Erulan Ysqaqov (96 kg) kúmis, Erbol Qońyratov (66 kg) pen Maqsat Erejepov (74 kg) qola júldeger atandy. Al áıelder kúresinen Tatıana Amanjolova (51 kg) altyn, erkin kúresten Rasýl Qalıev (55 kg) pen Dáýlet Nııazbekov (60 kg) qola júlde oljalady.
