Qazaqstandyq balýandar Azııa chempıonatynan tórt medal oljalady - VIDEO
ASTANA. QazAqparat - Bangkokta 2016 jylǵy Azııa chempıonatynyń tórtinshi kúni óz máresine jetti. Qazaqstandyqtar bul kúni 4 medal oljalady.
Qyzdar arasynda 58 kelige deıingi salmaqta Aıym Abdıldına qyrǵyz qyzy Aısulý Tynybekovoǵa jol berip, kúmisten alqa taǵyndy.
Erler arasynda Nurlan Bekjanov ta ekinshi satydan kórindi. Ol 65 keli salmaqta ırandyq Meısam Nasırge jol berdi.
Baqdáýlet Almentaı esimdi balýanymyz (97 kg) japondyq sportshyny jeńip, qolaǵa qol jetkizdi.
Al, Jiger Zakırov jaraqatyna baılanysty beldesýden bas tartyp, kúmisti qanaǵat tutty.
Qazirgi sátte Qazaqstan qorjynynda 14 medal bar.
