Qazaqstandyq balýandar álem kýbogyna qatysady

ASTANA. QazAqparat - Qazaqstandyq Jámıla Baqbergenova men Azamat Dáýletbekov búgin, 10 jeltoqsanda AQSh-ta bastalatyn erkin jáne áıelder kúresinen álem kýbogynda juldyzdar quramasy sapynda synǵa túsedi, dep habarlaıdy QazAqparat tilshisi.

Jarys erejesi boıynsha álem chempıonaty reıtıngi boıynsha alǵashqy bestikte turǵan quramalar qatysady. Olardyń qataryna juldyzdar jınaqtalǵan altynshy qurama qosylady.

Elimizdiń atynan Azamat Dáýletbekov pen Jámıla Baqbergenova juldyzdar jınaqtalǵan qurama sapynda oıyn kórsetedi.

Birinshi kezeń elorda ýaqytymen 22:00-de bastalsa, ekinshisi 03:00, úshinshisi 06:30-da bolady. Qazaqstandyq balýandar ekinshi jáne úshinshi kezeńde kúresedi.

Aıta ketsek, álem chempıonatynda áıelder kúresinen Jámıla Baqbergenova kúmis alsa, erkin kúresten Azamat Dáýletbekov qola júldege qol sozdy.