Qazaqstandyq balýan qyzdar Varshavada 2 kúmis, 3 qola medaldi jeńip aldy

ASTANA. QazAqparat – Qazaqstandyq balýandar Polsha astanasy Varshava qalasynda áıelder kúresinen XXVII Poland Open halyqaralyq jarysynda 2 kúmis, 3 qola medaldi jeńip aldy, dep habarlaıdy QazAqparat tilshisi.

Sportty damytý dırektsııasynan málim etkenindeı, jalpykomandalyq esepte Polsha quramasy kósh bastasa, Qazaqstan men Kanada úzdik úshtikke kirdi.

Qazaqstannan Irına Kazıýlına (65 kg) fınalda ýkraınalyq ıÝlııa Leskovetske, al Anastasııa Panasovıch (72 kg) frantsııalyq Kendra Ogıýsten Djoselın Dacherge ese jiberdi.

Sonymen qatar Aınur Áshimova (55 kg), Dıana Kaıýmova men Gúldana Bekesh (59 kg) óz salmaǵynda qola júldege ıe boldy.

BQO dene shynyqtyrý jáne sport basqarmasynan alynǵan málimetke qaraǵanda, batysqazaqstandyq Anastasııa Panasovıchtiń alǵashqy bapkeri – Baımurat Abdrahmanov. Qazirgi kezdegi jeke jattyqtyrýshysy – Musabek Naregeev.