Qazaqstandyq balýan qyzdar Azııa birinshiliginde 6-oryn ıelendi
ASTANA. QazAqparat - Bishkekte qalasynda kúres túrlerinen ótip jatqan Azııa chempıonatynda áıelder kúresinen myqtylar anyqtaldy, dep habarlaıdy QazAqparat tilshisi.
Keshe bes salmaq dárejesi boıynsha jeńimpazdar men júldegerlerdi anyqtaǵan boıjetkender jarysty qorytyndylady.
Qaırat Saǵadıev baptaıtyn Qazaqstan quramasy Azııa chempıonatynan jalpy sany 3 qola medal jeńip aldy.
Osyǵan deıin habarlaǵanymyzdaı, Azııa birinshiliginiń úshinshi kúni 68 kelidegi Irına Kazıýlına men 76 kelidegi Elmıra Syzdyqova júldeger atansa, keshe jarystyń tórtinshi kúni 53 kelidegi Juldyz Ishımova el qorjynyna taǵy bir qola medal saldy.
Aıta keteıik, Juldyz Azııa chempıonatyndaǵy alǵashqy altyn medalin 2007 jyly dál osy Bishkekte ótken Azııa chempıonatynda jeńip alǵan. Ol kezde qazaqstandyq balýan 51 keli salmaqta top jardy. Sodan beri Juldyz tórt ret kúmis (2008, 2009, 2010, 2017), bir ret qola (2014) medal alǵan edi.
Komandalyq esepte Qytaı quramasynyń qyzdary birinshi orynǵa ıe bolsa, ekinshi orynǵa Mońǵolııa quramasy ıe boldy. Al Japonııa quramasy úshinshi oryndy túıindese, Qazaqstan quramasy jalpy esepte altynshy orynǵa ıe boldy.
