Qazaqstandyq balýan qyz jastar arasynda álem chempıony atandy
NUR-SULTAN. QazAqparat – Qazaqstandyq Nılýfar Raımova Ýfada kúres túrlerinen jastar arasynda álem chempıonatynda jeńimpaz atandy, dep habarlaıdy QazAqparat tilshisi.
Qazaqstan ulttyq olımpıada komıteti málim etkenindeı, qazaqstandyq balýan qyz 57 kelige deıingi salmaqta úzdik shyqty.
Fınalda N.Raımova ıtalııalyq Avrora Rýssomen beldesti.
Birinshi kezeńde qarsylasy alda turdy. Degenmen ekinshi kezeńde Nılýfar tarazy basyn ózine aýdara bildi. Sóıtip tartysty kezdesýde 8:6 esebimen jeńiske jetti.
Aıta keteıik, buǵan deıin osy dúnıejúzilik dodada Nurdáýlet Qýanyshbaı 74 kelige deıingi salmaqta kúmis, al Asyljan Esengeldi (57 kg) men Bekzat Ermekbaı (65 kg) qola júldegen atanǵan bolatyn.
