Qazaqstandyq balýan kadetter arasynda álem chempıony atandy
ASTANA. QazAqparat - Slovakııanyń Snına qalasynda kúres túrlerinen kadetter arasyndaǵy álem chempıonaty bastaldy (15-20 shilde). Alǵash bolyp kilemge klassıkter - greko-rım kúresiniń sheberleri shyǵýda, dep habarlaıdy Sporttyq jekpe-jek jáne kúsh qoldanylatyn sport túrleri konfederatsııasynyń baspasóz qyzmeti.
Keshegi kúnniń basty qaharmany bolyp Ernar Fıdahmetov tanyldy. 54 kelide kúresetin ol Qyrǵyzstan sportshysyn 11:0, Chehııa balýanyn 8:0, Reseı ókilin 8:6, Serbııa balýanyn 8:0 esebimen jeńdi. Al fınaldyq synda 2014 jylǵy Eýropa chempıonatynyń qola júldegeri, armenııalyq Edgar Tamazıandy 4:2 esebimen tizerletti.
Esterińizde bolsa, Ernar Taılandtta ótken Azııa chempıonatynda top jarǵan edi.
