Qazaqstandyq balýan Gınnes kitabyndaǵy álem rekordyn jańartty
NUR-SULTAN. QazAqparat – Qazaqstandyq balýan Sergeı Tsyrýlnıkov taǵa ııýden Gınnes kitabyndaǵy álem rekordyn jańartty, dep habarlaıdy QazAqparat tilshisi.
«Qazaqstan sportshylar odaǵynyń» málimetinshe, jańa rekord Qajymuqan Muńaıtpasovtyń 150 jyldyǵyna arnalǵan shara kezinde tirkelgen. Sharanyń saltanatty bóliminen keıin álemniń tórt dúrkin rekordshysy Sergeı Tsyrýlnıkov Gınnestiń jańa álemdik rekordyn ornatqan. Kalıbrlengen metaldan taǵa ııý boıynsha álemdik rekord buǵan deıin Lıtva azamatynyń enshisinde edi. Ol bir mınýtta 2 taǵa ıse, Sergeı Tsyrýlnıkov 37 sekýndta 4 taǵa ıip úlgerdi.
Sportshynyń rekordyn Qazaqstandaǵy Gınnestiń rekordtar kitabynyń tirkeý ofıtseri jazyp, resmı túrde bekitti.
«Bul taǵalar shyńdalǵan metaldan jasalǵan. Shamamen 940 kılogramm salmaqqa tótep bere alatynyn arnaıy tekserdik. Nıderlandyda jasalǵan, álemdegi eń berik taǵa bolyp sanalady» - deıdi rekordtar kitabynyń ókili Qýandyq Qudaıbergenov.
Sergeı Tsyrýlnıkovtiń ózi bul rekordyn Qajymuqan men Balýan Sholaqtardyń izin jalǵaý jolyndaǵy talpysyntarynyń bir dep atady.
