Qazaqstandyq balýan áıelder reıtıngte úzdik tórttikke kirdi
NUR-SULTAN. QazAqparat – Birikken kúres álemi (UWW) áıelder kúresinen naýryz aıyndaǵy úzdikter tizimin jarııalady, dep habarlaıdy QazAqparat tilshisi.
Ulttyq olımpıada komıtetinen alynǵan málimetke qaraǵanda, Qazaqstannan úsh balýan úzdik tórttikke ilikti.
Azııa chempıonatynyń qola júldegeri Valentına Islamova 50 kg salmaqta tórtinshi orynǵa kóterildi. Onyń esebinde 39 upaı bar.
Azııa chempıony Jámıla Baqbergenova 72 kg salmaqta 36 upaımen úzdik úshtikke kirdi.
Sondaı-aq Azııa chempıonatynyń taǵy bir qola júldegeri Elmıra Syzdyqova 76 kg salmaqta 44 upaımen tórtinshi orynnan kórindi.
Eske sala keteıik, budan buryn Tokıo Olımpıadasynyń kelesi jyly ótetini belgili bolǵanyn jazǵan edik.
