Qazaqstandyq balýan Álem chempıonatynyń fınalyna shyqty
ASTANA. QazAqparat - Býdapeshte ótip jatqan kúres túrlerinen Álem chempıonatynyń ekinshi kúninde 57 keli salmaqtaǵy Nurıslam Sanaev fınalǵa shyqty, dep habarlaıdy QazAqparat sports.kz saıtyna silteme jasap.
Erkin kúresten synǵa túsip jatqan Nurıslam Sanaev alǵashqy beldesýde Samoadan kelgen balýandy jeńdi. Al 1/8 fınalda 10:0 esebimen ýkraındyq sportshydan aılasyn asyrdy. Shırek fınalda Nurıslam 11:6 esebimen Túrkııa ókilinen basym tústi. Jartylaı fınalda amerıkalyq Tomas Gılmandy (11:0) jeńip, aqtyq básekege joldama aldy.
N. Sanaev 22 qazan kúni «altyn» úshin jekpe-jekti reseılik Zaýr Ýgýevpen ótkizedi.
Ókinishke qaraı, Dáýlet Nııazbekov (65 kg), Baqtııar Іzbasarov (79 kg) pen Nurǵalı Nurǵaıypuly (92 kg) qarsylastaryna jol berip qoıdy.
Fınalda kezdesetin juptar:
57 kg. Zaýr Ýgýev (Reseı) - Nurıslam Sanaev (Qazaqstan)
65 kg. Takýto Otogýro (Japonııa) - Býnııa Bajrang (Úndistan)
79 kg. Kaıl Deık (AQSh) - Djabraıl Gasanov (Ázerbaıjan)
92 kg. Ivan ıAnkovskıı (Belarýs) - Djeı Maıkl Koks (AQSh).
Eske salaıyq, 21 qazan kúni erkin kúresten 61, 74, 86 jáne 125 kelige deıingi salmaqta synǵa túsken qazaqstandyq balýandar júldeli oryndarǵa talasý múmkindigine ıe bola almady.
Vengrııanyń Býdapesht qalasynda kúres túrlerinen Álem chempıonaty qazannyń 20-28 aralyǵynda ótedi. Jarysty alǵashqy bolyp erkin kúres balýandary bastady. Odan keıingi kúnderi bozkilemge boıjetkender shyqsa, dodany grek-rım kúresiniń sheberleri aıaqtaıdy. El namysyn 28 balýan qorǵaýda.
