Qazaqstandyq balýan álem birinshiliginde jaraqat alyp qaldy
ASTANA. QazAqparat - Senbi kúni Býdapeshte jalaýyn kótergen kúres túrlerinen álem chempıonatynda qazaq balýandarynyń joldary bolmady, dep habarlaıdy QazAqparat tilshisi.
QR Kúres túrleri federatsııasynyń baspasóz qyzmetinen málim etkendeı, 21 qazan kúni erkin kúresten 61, 74, 86 jáne 125 kelige deıingi salmaq dárejelerinde chempıondar anyqtalady.
61 kelide el namysyn qorǵaǵan Qýat Ámirtaev alǵashqy beldesýinde ýkraınalyq balýannan 1:11 esebimen utylyp qaldy. Qýattyń bulaı jeńilýine kezdesý barysynda jaraqat alýy sebep boldy.
Al 74 kelide Moldova jáne Qytaı balýandaryn jeńgen Bolat Saqaev shırek fınalda ıtalııalyq Frank Chamızodan jeńildi. Chamızo jartylaı synda reseılik sportshyǵa ese jibergen soń Saqaev jubanysh synynda beldesý quqyǵynan aıyryldy.
86 kelidegi Ádilet Dáýlenbaev alǵashqy synda Belarýs balýanyna 2:9 esebimen jol berdi.
125 keli salmaq sanatyndaǵy Ermuhamed Іńkár moldovalyq balýannan shırek fınalda 9:1 esebimen utylyp qaldy.
Buǵan deıin atalǵan álem birinshiliginde el namysyn qorǵaıtyn balýandardy tanystyryp ótken bolatynbyz.
Jarys 28 qazanǵa deıin jalǵasady.
