Qazaqstandyq balmuzdaqtyń baǵasy arzandaýy múmkin
ASTANA. QazAqparat - Almaty oblysy Baıserke aýylyndaǵy balmuzdaq óndiretin qazaqstandyq «Shın-Laın» kompanııasynyń alty jeke qoımasy bolady. Tómengi temperatýrady eki qoıma óz jumysyn bastap ta ketti. Jalǵa alynǵan emes, jeke menshiktegi ǵımarattar otandyq ónimniń baǵasyn arzandatýǵa septigin tıgizedi. Qoıma qurylysy bıznesti qoldaý jáne kásipkerlikti qoldaý kartasyn damytý aıasynda júzege asyrylady.
Nysandardyń jalpy aýdany 1,5 gektardy qurady. Únemi mınýs 30 gradýs saqtalyp turatyn ár qoımanyń aýdany 3 myń sharshy metrdi qurap, oǵan 8 mln balmuzdaq syıady.
«Shın-Laın» kompanııasy únemi tutynýshylardyń qyzyǵýshylyǵyn eskere otyryp, damý strategııasyn ustanady. Jańa tómen temperatýraly qoımalar balmuzdaq syndy ónimderdiń saqtalýyna qajetti sýyq aýanyń turaqtylyǵyn qamtamasyz etedi», - dedi «Shın-Laın» kompanııasynyń bas dırektory Vladımır Pak.
