Qazaqstandyq balet Genýıada óner kórsetedi
ASTANA. QazAqparat - «Astana Opera» teatrynyń balet trýppasy quramynda 85 adammen alǵash ret Genýıadaǵy ataqty ejelgi «Karlo Felıche» teatrynda óner kórsetedi, dep habarlady Kazpravda.kz teatrdyń baspasóz qyzmetine silteme jasap.
Habarlanǵanyndaı, 21, 23, 24, 25 jáne 27 qańtar kúnderi sheteldik kórermenderge «Spartak» spektaklin usynady. Sonymen qatar elordalyq teatr «Gala-balet» baǵdarlamasyn alyp barady.
«Italıandyq kórermender qazaqstandyq ártisterdiń ónerin asyǵa kútýde. Balet spektakline jáne Gala-kontsert bvaǵdarlamasyna barlyq bıletter satylyp ketti. Gastroldik baǵdarlamasynyń basty shyǵarmasy «Spartak» qoıylymy. Spektakl kúni búginge deıin kórermenderdiń qumartyp kóretin óner týyndysyna aınalyp otyr», - delingen taratylǵan aqparatta.
"Ataqty teatrdan shaqyrý alý - úlken qurmet. Bizdiń aldymyzda jaýapty mindet tur - ıtalıandyq talǵampaz kórermenge Qazaqstan ónerin laıyqty kórsete bilýimiz qajet", - dedi «Astana Opera» teatrynyń kórkemdik jetekshisi Tursynbek Nurqalıev.
Óz kezeginde ıtalıandyq teatrdyń art-dırektory Djýzeppe Akýavıva «Karlo Felıche» «Astana Opera» balet trýppasynyń Eýropaǵa terezesi bolmaq, dep atap kórsetti.
Genýıadaǵy bas opera jáne balet teatry 1824 jyly ashylǵan bolatyn, oǵan eki myń jarym kórermen sııady. Teatr Gertsog Karlo Felıcheniń qurmetine atalǵan.
