Qazaqstandyq balerına halyqaraldyq baıqaýdyń altyn júldesin jeńip aldy
ALMATY. 4 naýryz. QazAqparat /Názıra Eleýhan/ - Berlınde ótken VIII- «Bı olımpi» halyqaralyq horeografııalyq baıqaýynda «Halyq bıi» atalymy boıynsha Almaty qalasynyń A.V.Seleznev atyndaǵy horeografııalyq ýchılışesiniń ekinshi kýrs stýdenti Rıza Knatqyzy altyn medaldyń ıegeri atandy.
Osy oqý orynynyń shákirti Zarına Baıkenova qola júldeni jeńip alǵan.
«Baıqaýǵa 24 eldiń 1000-nan asa ókilderi qatysty. Jeńimpazdardy álemniń eń beldi teatr ártisteri men balet mektepteriniń jetekshi qaıratkerlerinen turatyn ádil qazylar alqasy anyqtady. Biz eki bı - qytaı jáne qazaq ulttyq bıin usyndyq. Rızanyń oryndaýyndaǵy qazaq bıin beldi baıqaýdyń gala-kontsertine tańdap alǵandyǵy bizdi qatty qýantty»,-dedi Rıza Knatqyzynyń ustazy Ánýar Sadyqova.
Onyń aıtýynsha, baıqaýǵa qatysý múmkindigi «PetroQazaqstan» kompanııasynyń arqasynda múmkin bolǵan.
