Qazaqstandyq balalar Kann shyǵarmashylyq baıqaýynan birinshi oryn ıelendi
ALMATY. QazAqparat - Qazaqstandyq balalar Kanndaǵy «Jas Kanndyq juldyzdar» shyǵarmashylyq festıvalinde birinshi oryn aldy, dep habarlady QazAqparat tilshisi.
«Bul baıqaýǵa Almaty, Taldyqorǵan, Ekibastuz qalalarynan az qamtylǵan otbasylardan 30 daryndy bala barǵan. Qazir olar úılerine kele jatyr, ónerpazdar konkýrsqa qatysqandaryna, Qazaqstandy úlken sahnada pash etkenderine óte qýanyshty», - dedi Reliance qoǵamdyq qorynyń dırektory Sáýle Alpysova.
Kanndaǵy konkýrsta «Bı» nomınatsııasy boıynsha Almatydan kelgen Nika birinshi oryn alsa, «Vokal» nomınatsııasynda Dinmuhammed Japanov (Ekibastuz), Arıza Asqarova (Taldyqorǵan) jáne Danııa Álmuhamedova (Taldyqorǵan) jeńispen oraldy.
Jeńimpaz balalar 18 tamyzda Parıjde konkýrs fınalynda Qazaqstandy tanytatyn bolady.
