Qazaqstandyq balalar golftan el chempıonatynda synǵa túsedi
ASTANA. QazAqparat - 23-24 tamyz kúnderi Almatyda golftan balalar arasynda Qazaqstannyń ashyq chempıonaty ótedi, dep habarlaıdy QazAqparat.
«Nurtaý» golf-klýbynda ótetin chempıonatta 5-17 jas aralyǵyndaǵy balalar synǵa túsedi.
Aıta keterligi, jarysqa barlyq qalaýshylar qatysa alady. Sonymen qatar, Qazaqstannyń túkpir-túkpirinen jáne shet elderden kelgen sportshylar da baq synaı alady. Týrnır Almaty qalasy ákimdigimen birlesip, golftan jańa baǵdarlamaǵa sáıkes aqysyz uıymdastyrylady.
Esterińizge sala ketsek, «Nurtaý» golf-klýbynyń kásipqoı bapkerleri 6-13 jas aralyǵyndaǵy balalar arasynda tegin sheberlik sabaqtaryn kún saıyn (dúısenbiden jumaǵa deıin) ótkizip keledi. Ár jetkinshek ózine yńǵaıly ýaqytty tańdap, aptasyna eki márte golfpen shuǵyldana alady.
Jeńimpazdar men júldegerler kýboktarmen marapattalady.
