Qazaqstandyq balalar BUU-ǵa tikeleı shaǵymdana alady

NЬıÝ-IORK. QazAqparat – Nıý-Iorktegi Birikken Ulttar Uıymynyń shtab-páterinde Qazaqstan Respýblıkasynyń BUU janyndaǵy Turaqty ókili Aqan Rahmetýllın Qazaqstan atynan Bala quqyqtary týraly konventsııaǵa habarlar rásimine qatysty fakýltatıvtik hattamaǵa qol qoıdy, dep habarlaıdy QazAqparat Syrtqy ister mınıstrligi saıtyna silteme jasap.

Qazaqstan BUU Bas Assambleıasy 2011 jylǵy jeltoqsanda qabyldaǵan jáne 2012 jylǵy 28 aqpanda qol qoıý úshin ashylǵan osy adam quqyqtary salasyndaǵy mańyzdy halyqaralyq shartqa qol qoıǵan 53-shi memleket boldy.

Qujat BUU-nyń Bala quqyqtary jónindegi komıtetine (bala quqyqtary salasyndaǵy 18 táýelsiz sarapshylar toby) BUU-nyń bala quqyqtary boıynsha úsh negizgi qujatpen (Bala quqyqtary týraly konventsııa jáne onyń eki Fakýltatıvtik hattamasy – balalardy qarýly qaqtyǵystarǵa tartý jáne balalardy satý, balalar jezóksheligi jáne balalar pornografııasy týraly) kózdelgen bala quqyqtarynyń buzylýy týraly shaǵymdardy qabyldaý jáne qaraý ókilettigin beredi.

3-shi Fakýltatıvtik hattamaǵa sáıkes, balalar nemese olardyń ókilderi BUU-nyń Bala quqyqtary jónindegi komıtetine óz quqyqtarynyń buzylýy týraly tikeleı shaǵym bere alady. Komıtet, óz kezeginde, árbir isti qarap, qatysýshy memleketterge naqty usynystar baıandalǵan sheshimder qabyldaıdy.

Bul qujatqa qol qoıý Qazaqstannyń bala quqyqtaryn qamtamasyz etýge jáne balalardy quqyqtyq qorǵaýdyń ulttyq tetikterin nyǵaıtýǵa beıildiligin rastaıdy.

Qujat Qazaqstan Respýblıkasy úshin ony Parlament ratıfıkatsııalaǵannan keıin kúshine enedi.

Foto: QR SІM baspasóz qyzmeti