Qazaqstandyq bal Qytaıǵa eksporttalmaq
TALDYQORǴAN. QazAqparat - Qazaqstandyq bal óndirýshiler Qytaı naryǵyna shyǵýǵa múddeli. Ol úshin bal óńdeıtin kásiporyndardyń tehnologııasy halyqaralyq talaptarǵa saı bolýy tıis, dep habarlaıdy QazAqparat tilshisi.
Kórshi elden kelgen sarapshylar elimizdiń úsh óńirinde bolyp, omartashylardyń jumysymen tanysty. Mamandar Almaty oblysyndaǵy «Lepsi ónimderi» bal zaýytynda áseldi ydystarǵa quıý, qoraptarǵa salý protsesterin kórip shyqty. Bul kásiporyn 2016 jyly iske qosylǵan. Alǵashqy kezeńde 40 tonna bal óndirse qazir ónim kólemin 300 tonnaǵa jetkizý josparlanyp otyr. Áselden bólek munda jabaıy jemis-jıdekterden túrli tosap, shyryndar shyǵarylady.
«Qytaı sarapshylarynyń tekserýiniń nátıjesi boıynsha qazaqstandyq omarta sharýashylyqtary Qytaı Halyq Respýblıkasyna ımporttaýǵa quqyǵy bar kásiporyndar tizimine engizýge múmkindigi bar», - dedi QR AShM departament dırektorynyń orynbasary Oljas Aýsabaev.
