Qazaqstandyq badmıntonshy halyqaralyq jarystyń kúmis júldegeri atandy
NUR-SULTAN. QazAqparat – Qazaqstandyq, 21 jastaǵy Dmıtrıı Panarın Afrıkanyń Benın elinde badmıntonnan ótken Benin Open halyqaralyq jarysta kúmis júldeger atandy, dep habarlaıdy QazAqparat tilshisi.
Fınalǵa deıin súrinbeı jetken qazaqstandyq sportshy sońǵy básekede ǵana úndistandyq Aman Sanjaıǵa ese jiberdi.
D.Panarın Future serııasyna kiretin dodanyń alǵash ret fınalyna shyqty.
Jyl saıyn Dmıtrııdiń reıtıngtik kórsetkishteri jaqsaryp keledi. 2008 jyly ol dúnıejúzilik reıtıngte 1000-oryndarda bolsa, qazir 294-satyda tur.
Benındegi tabysynan soń D.Panarın reıtıngide joǵarylaı túsetini anyq. Ol 2019 jyly Ýgandada ótken álem kýbogy kezeńinde taǵy bir qazaqstandyq Artýr Nııazovpen birge qola júldege ıe bolǵan edi. Sol kezden bastap onyń kórsetkishi kóterilip keledi.
