Qazaqstandyq azyq-túlik taýarlary baǵa jaǵynan básekege qabiletti bola bastady - AShM

ASTANA. QazAqparat - Valıýtalyq baǵam ózgerisinen keıin qazaqstandyq azyq-túlik taýarlary reseılik jáne sheteldik taýarlarmen salystyrǵanda básekege qabiletti bola bastady. Bul týraly búgin Senatta agroónerkásip keshenin talqylaý barysynda Aýyl sharýashylyǵy mınıstri Asyljan Mamytbekov málim etti.

Vedomstvo basshysynyń sózine qaraǵanda, 2015 jyly elimizdle alǵash ret óńdelgen aýyl sharýashylyǵy taýarlarynyń kólemi 1 trln teńgeden asty. Sonyń ishinde, kókónis shyrynynyń óndirisi 43 paıyzǵa, kókónis konservisiniń óndirisi 10,6 paıyzǵa, kúrish óńdeý 9,5 paıyzǵa, irimshik óndirisi 8 paıyzǵa, sút ónimderiniń óndirisi 5 paıyzǵa artqan.
«Jalpy naryqty saralasaq, teńge baǵamy ózgergennen keıin otandyq azyq-túlik ónimderiniń baǵasy reseılik taýarmen salystyrǵanda básekege qabiletti bola bastady. Sonymen qatar, qazaqstandyq aýyl sharýashylyǵy ónimderiniń básekege qabilettiligi syrtqy naryqta da artyp otyr», - dedi mınıstr.
Onyń aıtýynsha, valıýtalyq qubylmalylyq qazaqstandyq eksportqa da birshama áserin tıgizgen. Máselen, byltyr et eksporty boıynsha jospardyń oryndalmady. «2015 jyly sıyr etin eksporttaý jospary 11,4 myń tonnaǵa belgilengen edi, biraq is júzinde tek 6,5 myń tonnasy eksporttaldy. Reseı rýbli men teńge arasyndaǵy aıyrmashylyqqa baılanysty úshinshi toqsanǵa deıin elimizden eksport jóneltilimderi baıa júrdi. Nátıjesinde, jyl boıyna 6,5 myń tonna et eksporttalsa, sonyń 5 myń tonnasy sońǵy úsh aıdyń enshisine tıip otyr. ıAǵnı, teńgeniń rýblge shaqqandaǵy baǵamy ózgergennen keıin ǵana eksport jandana bastady degen sóz», - dep túıindedi A. Mamytbekov.