Qazaqstandyq azyq-túlik ónimderi men qurylys materıaldary Aýǵanstan naryǵyna shyqty
ASTANA. QazAqparat - Qazaqstandyq kásipkerlerdiń saýda mıssııasy Aýǵanstanǵa bardy. Іs-sharanyń qorytyndysy boıynsha 11 mln. AQSh dollarynan astam somaǵa Qazaqstanda óndiriletin azyq-túlik ónimderi men qurylys materıaldaryn jetkizýge kelisimderge qol jetkizildi, dep habarlaıdy primeminister.kz.
Kabýl qalasynda «KAZAKH INVEST» Ulttyq kompanııasy men Aýǵanstandaǵy Qazaqstan Elshiliginiń uıytqy bolýymen qazaqstandyq taýarlar men qyzmetterdi óndirýshilerdiń 2-shi saýda mıssııasy ótti. Mundaı alǵashqy is-shara 2013 jyly ótken bolatyn, onyń nátıjesinde Aýǵanstan naryǵyna jalpy somasy 27 mln. AQSh dollaryn quraıtyn qazaqstandyq ónimderdi (maı ónimderi, un, transformator) jetkizý ýaǵdalastyǵyna qol jetkizilgen edi.
Bul saýda mıssııasy bınes-forým formatynda ótkizildi, oǵan azyq-túlik jáne qurylys materıaldaryn óndiretin 11 otandyq óndirýshi-kásiporyn jáne 90-nan astam aýǵan kompanııasy qatysty.
Qazaqstan bıznesiniń saýda mıssııasyna Qazaqstanmen ózara tıimdi yntymaqtastyqty usynýǵa daıyn aýǵan taraby asa joǵary qyzyǵýshylyq tanytty. Aýǵanstannyń Saýda-ónerkásiptik palatasynyń ókilderi qazaqstandyq ónimderdiń sapasyna joǵary baǵa berdi jáne jergilikti naryqta usynylǵan taýarlarǵa degen suranystyń bolatyndyǵyn rastady.
«Aýǵanstan naryǵyn bizdiń eksportshylar úshin perspektıvaly baǵdar dep esepteımiz. Toqsandyq negizde munda eksportqa múddelik tanytqan otandyq óndirýshilerdi baǵyttaýdy josparlap otyrmyz. Qazaqstannyń Aýǵanstandaǵy elshiligi men Aýǵanstannyń Saýda-ónerkásiptik palatasynyń qoldaýymen Qazaqstannan ónimder satyp alýǵa múddelik tanytqan aýǵan kompanııalarymen kelisózderdi uıymdastyrýǵa daıynbyz», - dep atap ótti «KAZAKH INVEST» Ulttyq kompanııasynyń basqarýshy dırektory Asqar Arynov.
Óz kezeginde saýda mıssııasyna qatysýshy qazaqstandyq óndirýshiler ózderi shyǵarǵan taýarlar men qyzmetterdiń eksporttyq ilgerleýi úshin memlekettik qoldaýdyń qajettiligin jáne mańyzdy sharalardyń bir ekendigin atap aıtty. «Elif Chemicals» JShS dırektory Almas Rysqalıevtiń aıtýynsha, osy bıznes-forým sheńberinde bizdiń kompanııamen yntymaqtastyqqa joǵary qyzyǵýshylyq tanytyp otyrǵan aýǵandyq seriktestermen jemisti iskerlik kelissózder jasaldy. Bastapqy kezeńde aıyna 2 vagon gıpsokarton jáne óńdeý ónimderin jetkizý týraly kelisimge qol jetkizildi.
Aýǵanstanmen saýda qatynastaryn damytý boıynsha is-sharalar jalǵasady - 20 maýsymda Almaty qalasynda «Supplier Workshop» formatynda bıznes-semınar ótkizý josparlanyp otyr. Іs-shara aıasynda qazaqstandyq óndirýshilermen gýmanıtarlyq uıymdarǵa ónimderin qamtamasyz etetin aýǵan kompanııalarmen birqatar ekijaqty kezdesýler ótedi.
Qazaqstan men Aýǵanstan arasyndaǵy taýar aınalymy 2016 jyldyń qorytyndysy boıynsha 489,4 mln. AQSh dollaryn qurady, bul 2015 jylmen salystyrǵanda 30,7%-ǵa artyq. Qazaqstannan Aýǵanstanǵa eksport sondaı-aq 30,7%-ǵa ósip, 486,9 mln. AQSh dollaryn qurady. Bul sońǵy 5 jyldaǵy eń joǵary kórsetkish bolyp tabylady.
«KAZAKH INVEST» Ulttyq kompanııasy» AQ Qazaqstan Respýblıkasy Investıtsııalar jáne damý mınıstrliginiń qurylymyna kiredi. Ol shıkizattyq emes eksportty damytý jáne ilgerletý júıesiniń ulttyq operatory, sondaı-aq shetel ınvestorlaryn tartý jáne olarmen jumys jasaý jónindegi mamandandyrylǵan memlekettik kompanııa. «KAZAKH INVEST» memlekettik bıýdjetten qarjylandyrylady jáne ol óziniń qyzmetterin aqysyz negizde júrgizedi.
