Qazaqstandyq azyq-túlik ónimderi dúken sórelerinen ımportty yǵystyryp shyǵarýda
ASTANA. QazAqparat - Qazaqstandyq azyq-túlik óndirýshiler ımporttyq ónimderdiń ornyn basyp keledi, dep habarlaıdy finprom.kz.
Qazaqstandaǵy azyq-túlik tutynýda ımporttardyń ornyn basý úrdisi júrip jatyr. 2016 jyly negizgi tamaq ónimderi boıynsha 47 ımporttyq taýar túrleri 35-ke deıin qysqarǵan. Ásirese qant óndirisinde ımporttyń ornyn basý protsesi shapshań júrdi. 2015 jyly Qazaqstandaǵy qant resýrsynyń 41% ımportty qurasa, 2016 jyly ımport 21% deıin azaıdy.
Et jáne qosalqy et ónimderi resýrsynda da ımport úlesi aıtarlyqtaı azaıdy - 2015 jyly 63%, al 2016 jyldyń qańtar-jeltoqsan aılarynda 37% deıin tómendegen.
Azyq-túlik taýarlary resýrstarynda ımport úlesiniń qysqarýy bir jylda 0,2-den 36 paıyzǵa deıin qubylǵan.
Azyq-túlik ónimderiniń birqatar resýrstarynda ımporttyq ónimderdiń kóbeıýi baıqaldy, biraq ımport úlesi aıtarlyqtaı ósken joq.
2016 jyly konıak jáne konıak sýsyndary resýrstarynda ımporttyń eń joǵary deńgeıi baıqaldy, ımport úlesi 10%-dan 20%-ǵa deıin ósken.
Sonymen birge, syrttan keletin irimshikter men súzbelerdi tutyný kóbeıgen. Atalǵan taýar resýrstaryndaǵy ımport deńgeıi óte joǵary - 46%. Atap ótken jón, sút taýarlaryn tutynýdaǵy ımport kólemi 17% quraıdy.
2016 jyly ımporttyq qurylǵylar men shıkizat qunynyń óskenine qaramastan, Qazaqstannyń taǵam ónerkásibi birshama damydy.
Jyl qorytyndysy boıynsha, barlyq sala óndiristi shamamen 4% ósirdi.
