Qazaqstandyq ájeı Reseı jerinde óz kóliginiń astynda mert boldy
ASTANA. QazAqparat - 77 jastaǵy qazaqstandyq áıel Reseıdiń Astrahan qalasynda óz kóliginiń astynda mert boldy, dep habarlaıdy astrakhan-24.ru.
Jergilikti jańalyq agenttiginiń habarlaýynsha, 23 qańtar kúni mýnıtsıpaldyq kúre joldyń 16-shaqyrymynda «Jıgýlı», «Gazel» jáne «Chevrolet Lanos» markaly avtomobılder soqtyǵysqan.
Keıin kólik apatyna túskender joldyń shetinde óz mashınalarynyń zaqymdanǵan jerlerin qarap turǵan. Kenet jergilikti turǵyn mingen «Opel Astra» toqtap turǵan mashınalarǵa kelip soqtyǵysqan. Qatty soqqydan «Jıgýlı» Qazaqstan azamatshasyna qaraı ushqan.
Áıel shuǵyl aýrýhanaǵa jetkizildi. Alaıda, kóp uzamaı kóz jumdy.
Qazir oqıǵanyń mán-jaıy tekserilip jatyr.
