Qazaqstandyq azamattar Bashqurtstanda jol apatyna tústi
ASTANA. QazAqparat - 35 jastaǵy qazaqstandyq Máskeý-Ýfa tasjolynda oryn alǵan kólik apatynda kóz jumdy, dep habarlaıdy «Komsomolskaıa pravda».
26 naýryz kúni Máskeý-Ýfa trassasynda jantúrshigerlik apat boldy. «Lada Prıora» mashınasyn tizgindegen 35 jastaǵy qazaqstandyq qarsy baǵytta kele jatqan «GAZ-28243» sút tasıtyn kólikpen soqtyǵysqan.
Boljam boıynsha, er kisi rýlge ıe bola almaı qalǵan. Ol apat ornynda kóz jumdy. Mashına salonynda qazaqstandyq eki jolaýshy bolǵan. Olar ártúrli jaraqattarmen aýrýhanaǵa jetkizildi.
