Qazaqstandyq azamat taýystardy Reseıge zańsyz shyǵarmaq bolǵan
ASTANA. QazAqparat - Shymkent turǵyny qustardy syılyq retinde usynbaq bolǵan.
Qazaqstan azamaty Shymkentten Krasnoıarskke veterınarlyq qujatsyz úsh taýys apara jatqan, dep habarlady Altaı Respýblıkasy men Altaı ólkesi boıynsha Reseı aýyl sharýashylyǵyn baqylaý mekemesiniń baspasóz qyzmeti.
"Qazaqstan turǵyny úsh qusty «Saryaǵash-Krasnoıarsk» avtobýsymen apara jatqan. Zań buzýshy qustardy úılený toıyna syılyq retinde tartý etpek bolǵanyn túsindirdi. Kedenshiler qustardy tárkiledi, al olardyń ıesine «Reseıge engiziletin taýarlarǵa qoıylǵan shekteýdi saqtamaǵany» úshin aıyppul saldy", delingen habarlamada.
