Qazaqstandyq azamat Qytaıǵa 165 keli baldy zańsyz alyp ótpek bolǵan

ASTANA. QazAqparat - Qazaqstandyq azamat Qytaıǵa 165 keli baldy zańsyz alyp ótpek bolǵan.

"14 jeltoqsan kúni keshke Maqanshy shekara otrıadynyń «Baqty» baqylaý bólimshesinde (qazaq-qytaı shekarasy) shekara narıady «Yotong» markaly avtobýspen bizdiń elimizden kórshi memleketke qaraı ketip bara jatqan Dáýlet esimdi qazaqstandyq azamatty ustady. Tekserý barysynda 1992 jyly týǵan azamattyń QHR-ǵa ózimen birge jalpy salmaǵy 465 keli bolatyn, árqaısysyna 12 bankiden salynǵan 13 qorappen tabıǵı bal áketip bara jatqandyǵy anyqtaldy. Alyp bara jatqan baldyń 300 kelige jýyǵy ǵana deklaratsııadan ótkizilgen, al qalǵan 165 kelisin zańsyz alyp ótpek bolǵan eken", delingen habarlamada.

Ustalǵan azamattyń isi men júgin Úrjar aýdandyq prokýratýrasy arqyly osy aýdannyń keden komıtetine tapsyryldy, dep habarlaıdy QR UQK ShQ baspasóz qyzmetinen.