Qazaqstandyq azamat elektrondy jaınamaz oılap tapty
ASTANA. QazAqparat - Dástúrli Islam qundylyqtaryn zamanaýı tehnologııalardyń kómegimen nasıhattaý - búgingi kúngi zaman talaby. Qazaqstandyq Alhanbaı Satybaldyuly bes ýaqyt namaz ben útir namazynyń oqylýyn tártibimen úıretetin elektrondy jaınamaz oılap tapty.
Arnaýly qurylǵy ornatylǵan jaınamazdyń kómegimen namaz oqýǵa nıetti jandar durys namaz oqý tártibin úırene alady. Eń bastysy, jańadan namaz oqı bastaǵan namazhandar qurylǵyǵa ilesip oqý arqyly namaz rýkinderin muqııat oryndap úırenbek. Uzyndyǵy 140 sm-ge shaqtalǵan elektrondy jaınamaz zaǵıp jandar úshin tipten tıimdi. Alhanbaı myrza elektrondy jaınamazdy eldiń ishki naryǵyna ǵana emes, múmkindiginshe álemdegi musylman elder úshin de qoljetimdi bolýyn kózdep otyr. Asyl ulttyq qundylyqtar men tehnologııa múmkindikteri paıdalanylǵan dinimizdi nasıhattaıtyn otandyq ónim ulttyq ekonomıkamyzdy damytýdyń asa qýatty múmkindigi bolmaq, dep jazady islam.kz.
