Qazaqstandyq azamat Ekaterınbýrgte bank tonady
ASTANA. QazAqparat - Qazaqstan azamaty Ekaterınbýrgte bárin jaryp jiberemin dep qorqytyp, bank bólimshesinen birjarym mıllıon rýbldi alyp ketti.
Ony bul qylmysqa qaryzdary ıtermelegen.
21 jastaǵy er adam Ekaterınbýrgke Qazaqstannan kelgen.
Bul jigittiń otanynda ómiri ornyqsyz bolǵan. Onda óz dosynyń qymbat mashınasyn qıratyp alǵan.
Al joldasy bolsa, kólikti jóndeýge asa qomaqty aqsha talap etedi. Jas jigit mundaı qarjyny tek Reseıde ǵana tabýǵa bolady dep sheshken, dep habarlaıdy «Komsomolskaıa pravda v Ekaterınbýrge» gazeti.
Aıta keter jaıt, ol ýnıversıtetti ekonomıst mamandyǵy boıynsha támamdaǵan.
Sondyqtan Ekaterınbýrgte jumysqa ornalasýda esh qıyndyq bolmaıdy dep sengen. Aılar ótedi, qaryzy ósip, jaǵdaıy qıyndaıdy. Tyǵyryqqa tirelgen azamat osylaısha oqys qadam jasaýǵa bel býady.
Basylymnyń jazýynsha, bankırler uryny ashýlandyrmaı oǵan barlyq eýro men dollardy beredi.
Ol rýblge shaqqanda birjrym mıllıon bolady. Aqshany alǵan baýkespe tezdetip izin sýytady.
10 myń eýrony birden óziniń dosyna, otanyna aýdarady, qalǵanyna páteraqysyna tólep, ózi jaqsylap kıinedi.
Ekaterınbýrg polıtsııasynyń qyzmetkerleri ony kóp uzatpaı qolǵa túsirdi.
