Qazaqstandyq áıeli bar Sırııa azamaty elden shyǵarylmaıdy
Bul jaıynda Qaraǵandy qalasy Qazybek bı aýdany №2 aýdandyq sotynyń baspasóz qyzmetinen málim etti, dep habarlaıdy QazAqparat.
Taratylǵan málimetke sáıkes, buqaralyq aqparat quraldarynda Sırııa azamaty ıAser Alezaldın men onyń otbasyna qatysty materıal jarııalanǵan. Atalǵan materıalda sot ıAser Alezaldınniń otbasyna bosqyn mártebesin berýden bas tartqandyǵy, ıternatsıonal otbasy Qazaqstanda qalýǵa ruqsat alýy úshin jantalasyp júrgendigi aıtylǵan.
«Buqaralyq aqparat quraldary atalǵan faktige baılanysty qoǵamdyq pikirdi órshitetin qate aqparat jarııalaǵan. Osyǵan oraı Qaraǵandy qalasy Qazybek bı aýdany №2 aýdandyq sotynyń baspasóz qyzmeti ıAser Alezaldınniń sotqa «Qaraǵandy oblystyq ishki ister departamenti» MB Kóshi-qon polıtsııasy basqarmasynyń bosqyn mártebesin berýden bas tartý sheshimine daýlasyp, shaǵym túsirgen. 2016 jylǵy 13 mamyrda sot sheshimimen shaǵymdanýshynyń talabyn qanaǵattandyrýdan bas tartylǵan. Mundaı sheshimmen 2016 jyldyń 1 tamyzynda Qaraǵandy oblystyq sotynyń apellıatsııalyq satysy da kelisip, sot sheshimin ózgerissiz qaldyrǵan. Shyǵarylǵan sot sheshimi shaǵymdanýshyny Qazaqstan Respýblıkasy aýmaǵynan shyǵaryp jiberýge túrtki bolmaıdy. Sonymen qatar onyń Qazaqstan Respýblıkasynda turý quqyǵyn shektemeıdi», - delingen aýdandyq sot aqparatynda.
Munan bólek, taratylǵan aqparatta shaǵymdanýshynyń óz eline qaıta oralǵysy kelmeıtindigi jáne jubaıynyń Qazaqstan azamatshasy ekendigi atap ótilip, osyǵan sáıkes onyń Qazaqstan aýmaǵyna kelý jáne turý quqyǵyn rásimdeýge múmkinshiligi bar ekendigine basa nazar aýdartqan.
Aıta keteıik, buqaralyq aqparat quraldarynda Sırııa azamaty ıAser Alezaldın 18 jastaǵy úlken ulymen elden deportatsııalanýy múmkin ekendigi, al onyń jubaıy Qazaqstan azamatshasy bolǵandyqtan, oǵan deportatsııa qarastyrylmaıtyndyǵyn jarııa etilgen bolatyn. Sondaı-aq onyń kámeletke tolmaǵan tórt balasyna elden shyǵarý sharalary qoldanylmaıtyndyǵy atap ótilgen edi.
