Qazaqstandyq «áıelder arasyndaǵy GGG» qarsylasyn nokaýtpen jeńdi

ASTANA. QazAqparat - Qazaqstandyq boksshy Aıda Satybaldınova (3-1-1, 0 KO) kásibı rıngtegi altynshy aıqasyn ótkizdi, dep habarlaıdy Sports.kz.

Ol Tıhýanadaǵy (Meksıka) boks keshi aıasynda jergilikti boksshy Veronıka Valtıerramen (0-1) judyryqtasty. Jekpe-jektiń ekinshi raýndynda Satybaldınova tehnıkalyq nokaýtpen jeńiske jetti. Osylaısha, qazaqstandyq tórtinshi jeńisine qol jetkizse, al onyń qarsylasy óz mansabynda ekinshi ret jeńilis tapty. 

Ózin «Ledı Sparta» dep ataıtyn Aıda shildedegi jeńilisinen keıin birinshi ret rıngke shyǵyp tur. Aıdany Korpýs-Krıstıde (Tehas shtaty, AQSh) jeńilip kórmegen amerıkalyq Selına Barrıos (5-0, 2 KO) nokaýtqa túsirgen bolatyn. 

Aıta keteıik, sheteldik jýrnalıster Satybaldınovany soqqysynyń qýaty boıynsha tanymal otandasy - qazaqstandyq Gennadıı Golovkınge teńep, ony «áıelder arasyndaǵy GGG» dep ataıdy.