Qazaqstandyq «Áıelder arasyndaǵy GGG» eń mańyzdy kezdesýin ótkizedi
ASTANA. QazAqparat - 7 shilde kúni «Áıelder arasyndaǵy GGG» atanǵan qazaqstandyq kásipqoı boksshy Aıda Satybaldınova (3-0-1) osyǵan deıingi sporttyq mansabyndaǵy eń mańyzdy kezdesýin ótkizedi, dep habarlaıdy Sports.kz.
«7 shilde kúni NABF nusqasy boıynsha álem chempıony Selına Barrıospen óte mańyzdy kezdesý josparlanǵan. Bizdiń jekpe-jegimiz bul keshtiń basty kezdesýi bolady. Ol 8 raýndqa josparlanǵan jáne Tehas shtatynyń Korpýs-Krıstı qalasynda ótedi.
Bul meniń sporttyq mansabymdaǵy eń mańyzdy kezdesý. Sol arqyly men bokstyń jańa deńgeıine kóterilem», - dep málim etti qazaqstandyq bylǵary qolǵap sheberi.
25 jastaǵy amerıkalyq qyz Selına Barrıos (3-0, 1 KO) «Atstekter patshaıymy» degen atpen de belgili. Ol Aıda teń túsken Lıza Porterdi upaı sany boıynsha jeńip ketken bolatyn.
