Qazaqstandyq aıaqdopshylar «Dostastyq kýbogi» kezeńinde aqyrǵy oıyndy reseıliktermen ótkizedi
ALMATY. 21 qańtar. QazAqparat - Búgin Reseıdiń Sankt-Peterbor qalasynda fýtboldan 21 jasqa deıingi jastar quramalary arasynda TMD men Baltyq jaǵalaýy elderiniń "Dostastyq kýbogi" dástúrli týrnıriniń «A» jáne «V» tobyndaǵy komandalardyń toptyq kezeńdegi aqtyq oıyndary ótedi.
Onda «A» tobynan Belarýs pen Tájikstan, Latvııa men Estonııa, «A» tobynan Qyrǵyzstan men Ózbekstan, Reseı men Qazaqstan ózara kúsh synasady.
Aǵa bapker Sergeı Borovskıı jetekshilik etetin Qazaqstan quramasy «V» tobynda qazir 2 oıynnyń qorytyndysy boıynsha 3 upaımen ekinshi orynda tur. Al Ózbekstan quramasy 4 upaımen - birinshi, Reseı quramasy 2 upaımen - úshinshi, al Qyrǵyz quramasy 1 upaımen tórtinshi orynda keledi. Qazaqstandyqtar qyrǵyz aıaqdopshylaryn 3:1 esebimen utyp, keshe ózbekstandyqtarǵa 0:1 bolyp ese jibergen edi. Reseılikter bolsa ózbektermen (2:2) de qyrǵyzdarmen (0:0) de teń túsken bolatyn.
