Qazaqstandyq avtordyń kitaby alǵash ret aldyn ala tapsyryspen satyla bastady
ASTANA. QazAqparat - Qazaqstanda tuńǵysh ret aldyn ala tapsyrys boıynsha elimizde qalaı bıznes júrgizýge bolatyny týraly Baqytjan Buqarbaıdyń kitaby jaryqqa shyqty, dep habarlaıdy «QazAqparat» HAA tilshisi.
Avtordyń aıtýynsha, AmalBooks baspasynan jaryqqa shyqqan «Nastolnaıa knıga kazahskogo bıznesmena» kitabynyń ereksheligi - týyndynyń oqyrman qaýymnyń talap-tilegi, qazaqstandyq bıznesmenderdiń pikir men keńesteri negizinde jazylýynda.
«Men Qazaqstanda bıznes týraly durys baǵytta jazylǵan tuńǵysh kitapty shyǵarýǵa bel býdym. Almatynyń búkil HQKO-yn aralap shyǵyp, bıznes-mektepterde, ınternettegi ortada jalpy 300-ge jýyq adammen saýalnama júrgizdim. Osy zertteýdiń negizinde bıznes taqyryby boıynsha qundy kitaptardyń tizimin jasap, oqyrmandardyń qyzyǵýshylyǵyn týdyratyn kásipkerlerdiń esimin iriktedim. Budan keıin bıznesmenderdiń árbirimen kezdesip, suhbattasyp, kitap jazdym. Baspanyń sýrettik keskin-kelbetin de ózim ázirledim», - deıdi Baqytjan Buqarbaı.
Týyndynyń taǵy bir ereksheligi retinde onyń zamanaýı tilmen jazylǵanyn atap ótýge bolady. Kitaptyń avtorynyń paıymdaýynsha, oqyrmandy tartý úshin kitap eń aldymen uǵynyqty jazylýy kerek.
«Shyntýaıtynda Qazaqstanda tuńǵysh ret tolyǵymen «tapsyrys boıynsha» jazylǵan avtorlyq kitap jaryqqa shyqty. Іskerlik mańyzdaǵy ádebıetterdiń kóbi bizdiń dúkenderge basqa jaqtan keledi. Al sheteldik tájirıbeler men keıster bizdiń sharttarǵa sáıkes kele bermeýi múmkin», - deıdi ol.
Óziniń Facebook paraqshasynda avtor kitapqa aldyn ala tapsyrys berýge bolatynyn jarııa etti. Týyndyǵa qyzyǵýshylyq tanytqandar jazbada kórsetilgen tártip boıynsha tapsyrys bere alady.
Baqytjan Buqarbaı óziniń jazbasynda kórsetkendeı, bul onyń besinshi kitaby eken. Jalpy, ózi jetekshilik etetin AmalBooks baspasy daryndy ári qaıtalanbas avtorlardy izdeý ústinde.
«Ótken jyly biz eki avtordyń kitabyn jaryqqa shyǵardyq. Osy jyldan bastap Qazaqstandaǵy oqyrmandardy zamanǵa eń saı keletin otandyq kitaptarmen qýantpaq nıettemiz. Jýyq arada bizdiń azamattardyń «mı eksportymen» aınalysqym keledi. Biz eń zamanaýı ári mańyzdy ádebıetterdi basyp shyǵarsaq deımiz», - deıdi ol.
