Qazaqstandyq avtoóndirýshi halyqaralyq standartqa sáıkestik tekserisinen ótti

ALMATY. 12 qyrkúıek. QazAqparat /Erbol Azanbek/ - Sapa menedjmenti júıesin sertıfıkattaý boıynsha halyqaralyq TÜV Thüringen e.V. uıymy qazaqstandyq «Azııa avto» AQ-ynyń ISO 9001:2008 talaptaryna sáıkestigin óte joǵary dep baǵalady.

Olar bundaı baǵany sertıfıkattaý jónindegi aýdıt nátıjesinde berip otyr. Garmanııalyq uıym qazaqstandyq kólik qurastyrýshy kompanııanyń óndiristik, servıstik jáne ákimshilik qurylymdaryn teksergen. Tekserý barysynda atalǵan standartqa sáıkes emes birde-bir kemlishik anyqtalmaǵan. TÜV Thuringen e.V. qorytyndy esebinde qazaqstandyq kompanııanyń 2011 jyly ótken jylmen salystyrǵanda barlyq baǵytta damyǵandyǵyn atap ótken.

Eske sala keteıik, «Azııa-avto» 2003 jyly qurylǵan Qazaqstandaǵy eń iri jeńil avtokólik óndirýshi. qazirgi kezde kompanııa konveıerinde Skoda (Fabia, Octavia, Superb, Yeti), Chevrolet (Aveo, Captiva, Cruze Sedan, Epica, Lacetti Sedan, Lacetti Hatchback), Lada 4x4, KIA (Sorento, Mohave, Cerato, Sportage, Soul, Cadenza, Optima) avtokólikteri qurastyrylady. 2004 jyldan beri ónimderi ISO 9001:2008 halyqaralyq standartyna sáıkestendirilgen. Kompanııanyń avtoqurastyratyn úlken kesheni jobasy elimizdiń ındýstrıaldyq-ınnovatsııalyq damý baǵdarlamasyna engizilgen.